Mkoa wa Iringa ambao ni kinara kwa uzalishaji wa vyakula sasa inaondokana na hali ya udumavu ambapo Mkuu wa Mkoa , Mhe. Peter Serukamba amezindua kampeni maalum ya kupima hali ya lishe kwa Watoto wenye umri wa chini ya miaka 5 ambapo kwa Mkoa mzima ni watoto 2,059,204/= ili kubaini viashiria vya udumavu
Kampeni hiyo imezinduliwa na kuanza rasmi leo Juni 12,2024 katika vituo vyote vya afya vilivyo ainishwa .
Akizungumza katika kikao cha kamati ya afya ya msingi Mhe. Serukamba amesema kuwa kuhusu kampeni maalam ya kutathimini hali ya lishe kwa Watoto wote wenye umri chini ya miaka 5 itakayofanyika kuanzia leo mpaka Juni 15,2025 kwa Mkoa mzima.
“Kinachotakiwa kwenu Wajumbe ni kutoa hamasa katika jamii, kusimamia shughuli za kampeni,kushirikiana na Wadau mbalimbali ili kufikia maendeleo na kufanikisha zoezi la ufanyaji wa tathmini ya hali ya lishe kwa Watoto Mkoani Iringa na kuepusha upotoshaji wowote utakaoweza kujitokeza lakini pia Wajumbe wa kamati hii mnapswa kuhakikisha mnakanusha taarifa za upotoshaji unaoweza kujitokeza katika kampeni hii ”
Kwa upande wake Afisa lishe wa Mkoa wa Iringa ,Anna Nombo amesema timu ya Wataalam 343 kwa Mkoa watafanya vipimo ili kutathimini hali ya lishe na kupima kimo au urefu, uzito pamoja na mzingo wa kati wa sehemu ya juu ya mkono,kuangalia hali ya chanjo, kuangalia uwepo wa uvimbe mbonyeo katika miguu yote miwili , uwepo wa magonjwa sugu,ulemavu , hali ya ukamilishaji wa umezaji wa dawa za minyoo na kutambua uelewa wa malezi ya watoto.
Pia ameongeza kwa kusema kuwa baada ya mtoto kupimwa , mtoa huduma atatakiwa kufanya tafsiri ya hali ya lishe ya mtoto husika ndipo mtoto atakayekutwa na hali duni ya lishe mzazi wake atatakiwa kufatiliwa namna ya malezi yake na ulishaji wa mtoto wake kupitia dodoso maalum ili itakapofikia hatua ya utatuzi kuweza kuitatua changamoto hiyo.
Baada ya Agizo alilolitoa hapo jana Mkuu wa Mkoa wa Iringa Mhe. Peter Serukamba akiwa kwenye baraza la Madiwani wa Halmashauri ya mji wa Mafinga la kumtaka Mkurugenzi kusimamia ubomoaji wa vibanda 331 katika soko la mafinga kutoka na kitendo cha wafanyabiashara wa soko hilo kushindwa kutekeleza agizo la kusaini mkataba ndani ndani ya siku 20, Kufuatia agizo hilo uongozi wa wafanyabiashara ulilazimika kukutana na Mkuu wa Mkoa na kufanya nae mazungumzo na kumwomba kusitisha uamuzo huo wa kubomoa vibanda na badala yake azungumze na wafanyabiashara wote ili kufikia makubaliano ya pamoja jambo ambalo limetekelezwa huku Mkuu wa Mkoa akiwataka wafanyabiashara kusaini mkataba hadi kufikia jumatatu ya mei 27,2024 huku wakitakiwa kuanza kulipa kiasi cha shilingi Elfu 80 kwa mwezi kwa kila kibanda makubaliano ambayo utekelezaji wake utaanza juni mosi mwaka huu.Awali wafanyabiashara hao walikuwa wakilipa kati ya shilingi elfu tatu mpaka elfu tisa kwa mwezi jambo lililoikosesha mapato Halmashauri ya mji wa Mafinga na kuibua mgogoro uliodumu kwa muda wa miaka 15 huku Mkuu wa Mkoa Peter Serukamba akitumia siku 21 kumaliza mgogoro huo jambo lililowafurahisha wafanyabiashara hao.
Mkuu wa Mkoa wa Iringa Mhe. Peter Serukamba ametoa masaa 24 Kwa wafanyabiashara wanaomiliki vibanda katika soko la Mafinga kuvunja vibanda 331 vilivyojengwa kimakosa katika eneo linalomilikiwa na Halmashauri ya Mji Mafinga ambavyo husababisha hasara ya zaidi ya Millioni Kumi Kwenye Halmashauri hiyo.Hayo yamejiri wakati alipofanya ziara ya ukaguzi katika soko hilo akiwa ameambatana na kamati ya Ulinzi na Usalama ya Wilaya na MkoaMhe. Serukamba amesema kuwa Halmashauri haiwezi kuendelea endapo hakuna mapato yoyote yale yanayoingia katika Halmashauri hivyo amesema kuwa hawajalipa kodi kwa zaidi ya miezi sita basi wapishe kwenye eneo hilo la Halmashauri Hivyo amemuagiza Mkurugenzi wa Halmashauri hiyo kwanza kuzungushia utepe kwenye eneo hilo ili vibanda hivyo viweze kubomolewa."Kwahiyo nimetoa maelekezo watakuja kufunga liboni tanesco wataondoa umeme ili kesho kutwa tunaanza kubomoa vibanda vyote ili tubakie na ardhi yetu halafu baada ya hapo tutajua tunalipangaje soko letu na tutaanza kufanya biashara na wale ambao watahitaji kufanya biashara na sisi"Nae Mkuu wa Wilaya ya Mufindi Mhe. Dkt. Linda Salekwa amesema kutokana na kukosa Mkataba wafanyabiashara hao wamekosa leseni na kupelekea Halmashauri hiyo kukosa mapatoKwa upande mwingine Mkuu wa Idara ya Viwanda na Biashara wa Halmashauri ya Mji Mafinga Ndg. Evance Mtikile suala la mgogoro wa mkataba kati ya wafanyabiashara hao na Halmashauri limeanza tangu mwaka jana ambapo wafanyabiashara wamekuwa wakigomea mkataba huo na kupelekea Halmashauri hiyo kukosa mapato.
